Quarta-feira, 6 de Julho de 2011

Rali Iate husi Darwin ba Dili 2011

 

 

 

Ho apoiu husi Governu Timor-Leste no Governu Teritóriu Norte no ho apoiu lojistiku husi Asosiasaun Iate Kruzeiru Inc (CYANT). NT, Rali 2011 promete hahu destinu foun ida ho kruzeiru anual ba  Darwin, Austrália no iate internasional seluk.

Interkámbiu marítimu entre Teritóriu Norte no ninia viziñu aziátiku sira laos fenómenu foun ida. Ho tinan atus ba atus ona, mak peskador husi indonéziu husi Makassar ba vizita bebeik kosta norta Austrália nina hodi buka "teripang" ka pepinu tasi nian. Foin lais, Rali Iate husi  Darwin ba Ambon (hahu íha 1976) no Rali Indonézia (hahu íha 2003) halo ona frota iate bo´ót husi tinan ba tinan desde ke nia hahu, sai husi  Darwin ba destinu in-oin íha Indonézia  no selseluk tan.

Maibe, Rali Iate husi Darwin ba Dili , íha  1973, mak sai hanesan dasar ba eventu iate husi Darwin ba Sudoeste Aziatíku. Hotu-hotu komesa husi mariñeiru balun husi Asosiasuan Iate  Kruzeiru NT íha Darwin be hahu halo korida iate husi Darwin ba Díli ba sa uluk sei hanesan Timor Português. Iate nen mak partisipa íha  Korida 1973, lori ho loron  4-5 mak foin to´ó ba Dili. Rali 1973 mak hahu inovasaun lubun ida:

· Regata australianu dahuluk ida mak sai ba rai estranjeiru

· Restaurasaun ba korida dahuluk ho iate ba rai liur ho  multi no mono-cascos, no hahu mos íha Austrália atu

· Populasaun husi rai rua Darwin no Timor kolabora ativamente íha eventu desportivu ida ke halo rezulta ba koperasaun amistoza, boa vontade no ho respeitu mútuo.

Povo Timor íha afinidade tempu naruk ona ho australianu sira, komesa husi soldadu australianu sira be ba íha Timor durante Funu Mundial ba Daruak no, ho ajuda husi Portugés no Timor-oan sira , ke sai hanesan fatuk íha sapatu laran ba forsa okupasaun japoneza. Nune´é mak hahu ka inagura Rali Iate Darwin Dili íha 1973 ke koinsidi mos ba sobrevivente husi "Sparrow Force / Forsa Sparrow" ke ba hotu Timor desde funu . Hanesan tempu ida hodi hafoun fila-fali amizadu antigu sira desde tempu difisil no estabelese amizade foun iha tempu diak.

Lia fuan husi Komisaun Organizadora momentu neba hanesan profétiku "Ida ne´é mak korida nia inísiu. Ninia futuru sei sai interesante liu tan. "

Rali  Darwin Dili hahu fila-fali íha 1974 ho total iate partsipante 24. Maibe infelizmente ho inkorporasaun Indonézia ho Timor-Leste íha 1975 halo eventu sira ne´é kansela tiha hotu. Maibe mos ida ne´é lasignifika katak CYANT "laíha gostu " ba eventu iate internasional enatun sira buka fatin alternativu ida hanesan  Ambon, íha Indonésia.

Íha 2002,  iate 8 mak partisipa ba halo manifestasaun boa vontade ida husi Darwin ba Díli, ke konsidi ho selebrasaun loron independénsia  Timor-Leste nian no kriasaun nasaun joven ida íha mundo. Maske prazu no kondisaun be seidauk diak ba halo eventu anual ida.

Tinan ualu liu tiha,  íha 2010, ho  estabilidade íha Timor-Leste no husi  estratéjia ida husi Governu atu estabelese indústria turismu naval, ke momentu loos ona atu hahu fila-fali Rali Iate Darwin Dili -  fundador ba eventu iate modernu hotukedas iha Darwin.

 

 

Rali  2011 sei hahu íha loron 09 julu oras  1100  husi Darwin Harbour, Austrália no termina íha portu Dili, Timor-Leste. Kursu mak sei sai husi liña partida Darwin Harbour, Austrália, ba  illa Jaco, ho liña destinu ba sidade Dili, Timor-Leste,  ho distánsia besik 426 NM.

 

 

Ba informasaun barak liu tan favor ida vizita homepage  Sail Timor-Leste 2011

 

 

 



publicado por Eskalabis às 12:28
editado por timor a 08/07/2011 às 17:23
link do post | comentar | adicionar aos favoritos

post foun

Pasatempu "TT Toke Stars"

Passatempo "TT Toke Stars...

Reuniaun komunidade portu...

Regulamento do Passatempo...

Regulamentu hosi Pasatemp...

Ami Muda Ona Fatin

II Semináriu kona-ba Dire...

II Seminário sobre Direit...

Lusoafinidades - Concerto...

Luke Alkatiri felicita o ...

arquivos

Junho 2015

Fevereiro 2015

Janeiro 2015

Outubro 2014

Setembro 2014

Agosto 2014

Julho 2014

Junho 2014

Maio 2014

Abril 2014

Março 2014

Fevereiro 2014

Janeiro 2014

Dezembro 2013

Novembro 2013

Outubro 2013

Setembro 2013

Agosto 2013

Julho 2013

Junho 2013

Maio 2013

Abril 2013

Março 2013

Fevereiro 2013

Janeiro 2013

Dezembro 2012

Novembro 2012

Outubro 2012

Setembro 2012

Agosto 2012

Julho 2012

Junho 2012

Maio 2012

Abril 2012

Março 2012

Fevereiro 2012

Janeiro 2012

Dezembro 2011

Novembro 2011

Outubro 2011

Setembro 2011

Agosto 2011

Julho 2011

Junho 2011

Maio 2011

Abril 2011

Março 2011

Fevereiro 2011

Janeiro 2011

Outubro 2010

Setembro 2010

tags

todas as tags

blogs SAPO
subscrever feeds