Quarta-feira, 31 de Agosto de 2011

Deklarasaun husi ANTI ba Loron Konsulta Popular 30 de Agustu 1999 – 2011 nudar mos Loron Internasional Dezaparesidu Forsadu / Ema Lakon Obrigatoriu

 

 

Rezolve Krime Kontra Umanidade Pasadu Nudar Savi Hodi Loke Odamatan Lia Los no Justisa iha tempo agora no ba futuru…

 

 

 

Loron ohin… ita hakruk ba vitima tomak nebe sai sofre husi krime grave no krime kontra umanidade. Brutalismu military Indonesia rezulta ema sala laek rihun ba rihun tenke lakon sira nia vida hanesan umana. Asasinasaun Militar no Milisia pro-Indonesia halo ema Timor laiha ona valor umana iha tempo ne’eba. Asaun immoral elimina duni dignidade inan-feton sira.

 

To’o ohin loron fitar hirak ne nunka bele diak tamba ita moris iha klima hipokrasia (kemunafikan) nia laran. Ita hipokrit (munafik) tamba ita lakohi senti saida maka vitima senti oras ne dadauk. Ita hipokritu tamba ita haluha ita nia ema sira nebe sala laek no lakon sira nia vida iha tempo pasadu. Ita hipokrit tamba ita nunka iha vontade diak hodi buka tuir ita nia ema sira nebe too ohin loron dezaparisidu/ halakon obrigatoriamente. Ita hipokritu tamba ita hakarak fo prioridade ba rekonsoliasaun la ho justisa.

 

Loron 30 de Agustu nudar loron Konsulta Popular ba Povu Timorense. Iha ambiente komunidade internasional konsidera loron 30 de Agustu nudar “Loron Internasional Dezaparisidu ka Ema Lakon Obrigatoriu”. Hanesan mos saida mak akontese iha Timor bazeia ba faktu estimasaun CAVR nian hatudu katak ema 186,000 mate no lakon obrigatoriu iha periodu molok no hafoin referendum iha tinan 1999. Labarik nain 4.000 mak TNI lori ba Indonesia no seidauk fila too agora. Ita nia emar sira too ohin loron ita seidauk hatene sira nia paraderu (jejak). Ita seidauk hatene familia hirak ne’e nia lalatak…….ita sei hein nafatin sira nebe militar no milisia sira lori atu entrega iha idak-idak nian familia.

 

Ohin, Ita fo deit importansia ba relasaun amizade la ho lia los. Oinsa ita bele hakat ba oin sei ita laiha vontade hodi taka kuak iha kotuk. Oinsa ita bele hamutuk hodi hakat ba oin ho esperansa foun sei ita nafatin ignora todan nebe hanehan hela iha ita nia kabas. Ho kondisaun realidade hirak ANTI firme katak;

 

  • Ezizi ba Konselu Seguransa ONU atu hasai rezolusaun final hodi estabelese Tribunal Internasional nebe kredivel atu julga autor prinsipal nebe komete krime grave no krime kontra umanidade iha Timor-Leste duranti periodu okupasaun militar Indonesia nune’e bele hakontu korenti impunidade iha Timor no iha rai seluk.

  • Ezizi ba Prokuradoria atu ho seriadade hodi prosesa kazu krime grave nebe investiga husi SCIT hodi submete ba Tribunal

  • Husu ba Juiz no Prokurador Jeral atu sulan autor kriminozu (eis-Milisia BMP) Valentim Lavio nebe mak hetan ona penas prizaun tinan 9 resin maibe agora lao livre hela

  • Husu ba Prezidente da republika atu estadu Timor-Leste ratifika Konvensaun Internasional Ba Ema Lakon Obrigatoriumente nune’e garanti labele tan iha ema lakon iha tempu futuru.

  • Husu ba Estadu Timor Leste atu ezizi ba Estadu Indonesia hodi fo hikas maluk sira nebe TNI lori ba Indonesia ho obrigatoriamentu no inosentimente

  • Ezizi ba Instituisaun Estadu tomak atu Valoriza loron Konsulta Popular dia 30 de Agostu nudar loron bo’ot Nasional hodi halo komemorasaun iha Nivel Nasional to’o distrito laos loron feriadu Nasional

  • Ezizi ba Parlamentu Nasional atu deside lalais vida Lei Institutu Memoria no Lei Reparasaun

  • Ezizi ba Instituisau Estadu Timor-Leste atu respeita prinsipiu separasaun poder hodi fo kompetensia ba Orgaun Judisiariu nune’e kazu krime grave no krime kontra umanidade bele prosesa tuir artigo 160 Konstituisaun RDTL.

 

 

Haluha Krime Pasadu….Ne’e Hahu’u Hamate Justisa Iha Tempo Agora no Ba Futuru.

 

 

 

 

Dili, 30 Agustu 2011
Ami mak saran lian.


publicado por Eskalabis às 15:00
link do post | comentar | adicionar aos favoritos

post foun

Pasatempu "TT Toke Stars"

Passatempo "TT Toke Stars...

Reuniaun komunidade portu...

Regulamento do Passatempo...

Regulamentu hosi Pasatemp...

Ami Muda Ona Fatin

II Semináriu kona-ba Dire...

II Seminário sobre Direit...

Lusoafinidades - Concerto...

Luke Alkatiri felicita o ...

arquivos

Junho 2015

Fevereiro 2015

Janeiro 2015

Outubro 2014

Setembro 2014

Agosto 2014

Julho 2014

Junho 2014

Maio 2014

Abril 2014

Março 2014

Fevereiro 2014

Janeiro 2014

Dezembro 2013

Novembro 2013

Outubro 2013

Setembro 2013

Agosto 2013

Julho 2013

Junho 2013

Maio 2013

Abril 2013

Março 2013

Fevereiro 2013

Janeiro 2013

Dezembro 2012

Novembro 2012

Outubro 2012

Setembro 2012

Agosto 2012

Julho 2012

Junho 2012

Maio 2012

Abril 2012

Março 2012

Fevereiro 2012

Janeiro 2012

Dezembro 2011

Novembro 2011

Outubro 2011

Setembro 2011

Agosto 2011

Julho 2011

Junho 2011

Maio 2011

Abril 2011

Março 2011

Fevereiro 2011

Janeiro 2011

Outubro 2010

Setembro 2010

tags

todas as tags

blogs SAPO
subscrever feeds