Terça-feira, 20 de Março de 2012

Loron Internasional Poezia - 2012

Loron ohin dedika ba poezia. Poeta sira maske dala barak hanesan nonok hela, sira nia knaar mos todan. Ho lia-fuan balun deit sira buka hodi expresa sira-nia hanoin, sira-nia lia menon, sira-nia sentimentus...sira ne´é reprezenta kultura hodi hatudu emar nia hanoin ne´é klean no todan ba to´o ne´ebé.

 

Íha kraik íha poezia balun husi maluk poeta  timor-oan sira nia hakerek.

 

 

 

Sira ne´ebe moris iha estrada

 

Lalehan luan maka ami-nia uma-kakuluk loos,

rai maran hori kleur sai ami-nia toba-fatin.

Estrada maka ami-nia uma didin-laek.

Loromatan no fulan, ne’e belun di’ak.

 

Isin furak no morin, ami buka maibé la hetan.

Hahán di’ak no midar sei do’ok hosi kabun.

Se destinu fó, ami sei han ho hamnasa.

La hatene bainhira sei husik estrada.

 

Moris nia sentidu, karik filózofu nia asuntu.

Bele han no hemu dadeer ida to’o ona.

Hetan bee hodi hariis, obrigadu ona.

Maibé susar, ami seidauk fase hotu.

 

Yogyakarta, fulan-Jullu 2007

Hosi: Yohanes Manhitu

 

 

----------------

 

 

 

Lia Menon

 

Hori uluk sei susar, imi lebo lisuk
naha todan, naha kmán, imi la tetu
luku loro, luku udan, imi la halérik
sidi fatuk, sídi ai, imi la kesar
kosar suli, ruin kole, imi la sura
la’o dók, la’o besik, imi la sukat 
lun turu eh hamnása, imi lebo nafátin
lebo hodi haróman rai Timor Loro Sa’e. 

 

Tama tiha ba roman, susar la lakon
keta kore imi líman, hodi la’o mes-mesak
Tan naha sei wa’in, naha sei todan
lolo liman ba malu, ita lebo lisuk   
sira balu lun turu, mai ita hamáran
ida seluk hamnása, ita hotu haksólok
atu tanis eh hamnása, ita lebo nafátin
Lebo hodi haksólok povu maubere.   

 

Maktuik: Sitakehi (Juzito Rebelo)
Cagayan de Oro, Philippines, 17 de Febreiro 2012

 

 

---------------------


publicado por Eskalabis às 10:15
link do post | comentar | adicionar aos favoritos

post foun

Pasatempu "TT Toke Stars"

Passatempo "TT Toke Stars...

Reuniaun komunidade portu...

Regulamento do Passatempo...

Regulamentu hosi Pasatemp...

Ami Muda Ona Fatin

II Semináriu kona-ba Dire...

II Seminário sobre Direit...

Lusoafinidades - Concerto...

Luke Alkatiri felicita o ...

arquivos

Junho 2015

Fevereiro 2015

Janeiro 2015

Outubro 2014

Setembro 2014

Agosto 2014

Julho 2014

Junho 2014

Maio 2014

Abril 2014

Março 2014

Fevereiro 2014

Janeiro 2014

Dezembro 2013

Novembro 2013

Outubro 2013

Setembro 2013

Agosto 2013

Julho 2013

Junho 2013

Maio 2013

Abril 2013

Março 2013

Fevereiro 2013

Janeiro 2013

Dezembro 2012

Novembro 2012

Outubro 2012

Setembro 2012

Agosto 2012

Julho 2012

Junho 2012

Maio 2012

Abril 2012

Março 2012

Fevereiro 2012

Janeiro 2012

Dezembro 2011

Novembro 2011

Outubro 2011

Setembro 2011

Agosto 2011

Julho 2011

Junho 2011

Maio 2011

Abril 2011

Março 2011

Fevereiro 2011

Janeiro 2011

Outubro 2010

Setembro 2010

tags

todas as tags

blogs SAPO
subscrever feeds