Terça-feira, 19 de Fevereiro de 2013

Sekretáriu CPLP vizita Timor-Leste

 

Sekretáriu-Ezekutivu husi Komunidade País sira Lian Portugés nian, Embasadór Murade Murargy, vizita  República Democrática de Timor-Leste, entre loron 16 no 23 fulan-Fevereiru, hanesan ninia deslokasaun ofisiál dahuluk ba Estadu-membru ida.

Objetivu husi vizita ne’e maka hametin kapasidade interasaun nian entre CPLP no Timor-Leste iha kontestu ezersísiu prezidénsia rotativa Organizasaun nian, ne’ebé asegura husi país ne’e hahú semestre daruak tinan 2014 no ba períudu tinan rua nian.

Sekretáriu-ezekutivu sei iha enkontru sira ho responsável polítiku prisipál sira país nian, liuliu ho Governu, Prezidénsia Repúblika no Parlamentu, hodi artikula preparativu sira ba prezidénsia CPLP nian no defini mekanizmu sira promosaun no divulgasaun Organizasaun nian iha Timor-Leste. Sei analiza mós maneira sira hodi habelar iha Timor-Leste númeru boot ida ba projetu no inisiativa sira CPLP nian, hanesan forma ida promove integrasaun boot país nian iha komunidade.

Entre aspetu sira ne’ebé sei analiza iha mós modalidade sira operasionalizasaun nian hodi loke Reprezentasaun ida CPLP nian iha Díli, hodi respeita Memorandu Entedimentu ida ne’ebé konfirma vontade husi parte rua ne’e hodi avansa prosesu ne’e.

Timor-Leste formaliza intensaun hodi asumi prezidénsia rotativa CPLP nian iha Simeira ikus Xefe Estadu no Governu sira-nia ne’ebé hala’o iha fulan-Jullu liubá, iha Maputo.

Timor-Leste tama formalmente ba CPLP iha Simeira Xefe Estadu no Governu sira-nia ne’ebé hala’o iha Brazilia, iha fulan-Jullu tinan 2002, hafoin ninia independénsia. Dezde ne’e, Timor-Leste fortalese nafatin ninia prezensa iha CPLP, liuhosi partisipasaun barak iha projetu oioin sira Organizasaun nian no liuhosi promosaun inisiativa sira-nia, hanesan ezemplu, XX Reuniaun Diretór-Jerál Alfándega sira-nia, VIII Reuniaun Ministru Traballu sira-nia, X Reuniaun Ministru Defeza sira-nia, III Asembleia Parlamentár CPLP nian no foin lalais ne’e iha reuniuan Xefe Estadu-Maior-Jenerál Forsa Armada sira-nia, simu mós Momentu Kulturál CPL ida iha tinan 2010.

 

Tanba konvite husi autoridade timoroan sira-nia, CPLP organiza Misaun sira Observasaun nian ba eleisaun prezidénsial no parlamentar sira ne’ebé hala’o dezde independénsia no partisipa mós iha referendu istóriku loron 30 fulan-Agostu tinan 1999, ne’ebé determina independénsia país nian. Timor-Leste, partisipa mós iha Misaun Observasaun Eleitorál barak ne’ebé hala’o iha estadu-membru sira seluk.

CPLP reúne Estadu-membru ualu, Angola, Brazil, Cabo Verde, Guiné Bissau, Mosambike, Portugal, São Tomé no Prínsipe no Timor-Leste; no nasaun tolu ho estatutu Observadór Asosiadu sira-nia, Guiné-Ekuatoriál, Illa Maurísiu no Senegál.

 


publicado por sapotl às 12:13
link do post | comentar | adicionar aos favoritos

post foun

Pasatempu "TT Toke Stars"

Passatempo "TT Toke Stars...

Reuniaun komunidade portu...

Regulamento do Passatempo...

Regulamentu hosi Pasatemp...

Ami Muda Ona Fatin

II Semináriu kona-ba Dire...

II Seminário sobre Direit...

Lusoafinidades - Concerto...

Luke Alkatiri felicita o ...

arquivos

Junho 2015

Fevereiro 2015

Janeiro 2015

Outubro 2014

Setembro 2014

Agosto 2014

Julho 2014

Junho 2014

Maio 2014

Abril 2014

Março 2014

Fevereiro 2014

Janeiro 2014

Dezembro 2013

Novembro 2013

Outubro 2013

Setembro 2013

Agosto 2013

Julho 2013

Junho 2013

Maio 2013

Abril 2013

Março 2013

Fevereiro 2013

Janeiro 2013

Dezembro 2012

Novembro 2012

Outubro 2012

Setembro 2012

Agosto 2012

Julho 2012

Junho 2012

Maio 2012

Abril 2012

Março 2012

Fevereiro 2012

Janeiro 2012

Dezembro 2011

Novembro 2011

Outubro 2011

Setembro 2011

Agosto 2011

Julho 2011

Junho 2011

Maio 2011

Abril 2011

Março 2011

Fevereiro 2011

Janeiro 2011

Outubro 2010

Setembro 2010

tags

todas as tags

blogs SAPO
subscrever feeds