Quarta-feira, 24 de Abril de 2013

Forum: Oinsá ita ninia hanoin kona-bá edisaun dahuluk “Miss Timor-Leste 2013”?

 

Ministériu Turizmu no Sekretáriu Estadu ba Arte no Kultura nian sei hala’o Edisaun Dahuluk ba Miss Timor-Leste 2013, inisiativa ida ne’ebé hakarak promove joven timoroan sira. Eventu ne’e sei konta ho kandidatu feto sira hosi distritu oioin. Inskrisaun sira loke to’o loron 4 fulan-Maiu.

 

Hatene katak orsamentu hodi organiza inisiativa ne’e aas tebes no mosu daudaun dúvida balun kona-bá relevánsia Miss Timor-Leste nian. Laiha mós klarifikasaun loloos katak inisiativa ne’e lokál ka kandidatu feto sira sei partisipa iha eventu internasionál ruma.

 

SAPO TL hakarak hatene ita ninia opiniaun kona-bá Edisaun Dahuluk “Miss Timor-Leste 2013” nian. Partisipa no husik ita ninia komentáriu iha fórum ne’e.

 


publicado por sapotl às 17:40
link do post | comentar | adicionar aos favoritos

4 comentários:
De ita-nia_kultura a 26 de Abril de 2013 às 08:03
Timor-Leste la'ós Iraun ka nasaun atrazadu hanesan ne'e. Finalmente ita-nia feto timoroan mós bele hola parte iha kompetisaun Miss hanesan nasaun barak iha mundu. Iha nasaun barak ne'ebé kiak liu TL iha kompetisaun Miss Universe: http://www.missuniverse.com/members/contestants/year:2012. Se ita haree ba osan de'it, ita tenke para haruka atleta ba Olimpic Games no SEA Games, no para haruka ativista NGO ba pasiar tun-sa'e iha mundu iha enkontru internasionál ne'ebé gasta osan barak atu ko'alia kona-ba kiak!


De timor oan a 26 de Abril de 2013 às 08:08
  1. maluk sira ho topik nebe iha  pagina sapo nia nee  furak tebe ba ita timor oan hotu atu fo opinaun ba ita  ita nia   progama nebe mak  sr fransisco k lay atu halo ( miss timor leste ). Hau nudar timor oan nebe agora dadauk halo hela hau nia knar iha rai liur(england), Ba hau nia  hare katak ita timor  sedauk bele  para  atu halo programa nee,  Hau iha alasan tertentu tanbah hau hare iha ema nia rai nee  no atu kompara ba ita nia rai doben timor. Iha  k lae impaktu positif hosi  ita   alin feto ruma  mak sai    finalista. Tanbah hau hare iha ema nia  rain  nee, Kwandu  ema  ruma  sai finalista  nia   halo  pemasukan ba nia rai barak tebes.  Hanesan  bele halo promosi iha area barak los  no bele fo benefisu ba  povo rai nee nia.  Hanesan iha chanel tv swasta,  k perusahan ruma bele uja nia para halo promosaun, ROPA ou HAHAN nian mais ita timor   foin mak iha TVTL  no sedauk iha fabrik ou perusahan   ruma para  atu uja para halo promosaun, pior liu tan ita nia povo barak mak se moris iha  mokit nia laran, no sr fransico atu gasta $200 m  ba buat programa nebe mak sedauk fo impaktu positif ba ita nia rai nee hau senti lalos karik ..... sekarik  mau boot xanana bo jabatan ba fransico k lay hanesan mentri mai nia kakutan hanesan   wandra ou samsat sira uluk iha kodim  k koramil dili nia neee karik abraso


De Nuno Castro a 26 de Abril de 2013 às 10:23
Não concordo e pelos visto o PM também não. http://www.radioliberdadedili.com/notisia/politiku/997-pm-xanana-kontra-miss-timor-leste


De Ricky Lemorai a 5 de Maio de 2013 às 09:10
Sr. Francisco Kalbuady sae ba Ministro la iha visaun politik ke klaru,....Miss Timor Leste seidauk tempu atu implementa iha tempu agora, preciza tina 20 tan, tanba hare nasaun sei fragil hela iha ekonomia, hau nia hanoin Ministro Torismo halo uluk mapa fatin nebe potensi ba turismo, depois prepara fasilidade fatin sira ne, iha tasi ibun, foho leten area floresta (agrofloresta), plantasaun, dezenvolve kultura tradisionais  iha distrito 12, hadia kondisaun  ne mak prioridade,  hodi bele dada turista mai Timor Leste, Ministerio Turismo tenki servisu ho Ministerio seluk konaba siguransa ba fatin hirak ne, seluktan .  depois bele  halo kompetisi Miss Timor Leste, semak sai hanesan kualifikadu diak, depois ba nivel internasional, iha neba nia  bele promobe Timor  Leste ba nasaun seluk,  sekarik ema visita timor leste hanesan turista sira kontente fasilidade, kondisaun seguru, sira disapoint tanba realidade mak ne duni hanesan miss timor leste koalia forum international, turista mai barak, indireta hadia ona komunidade sira nia moris liuliu iha area turismo ne.  keta haluha Indonesia iha Bali, nebe koinecidu, preparasaun kondisaun iha inisiu, Miss indonesia ba promove deit, turista sira mai rasik duni hare katak Bali fatin ida diak  panorama dia, kultura Bali dezenvolve makas, iha hotel2 nebe taraf internasional. fatin rekreasi nebe diak i hakmatek, la iha barulho, siguransa diak.  
Miss Timor Leste preciza halo maibe sidauk tempu, keta nakdedae ansi rai seidauk naben, o keta iha ema balu hanesan Joventuda balu mak ba hato'o sira nia hanoin ne  ba Ministro Turismo  Francisco Kalbuady , tanba foin dadauk se lasa iha fulan Abril 2013 iha Miss nasaun CPLP, partisipa mos feto timor leste  oan ida nebe moris no hela Portugal nia tuir enome Timor Leste, depois joventuda balu terinspirasi ho iventu neba. hakarak halo Miss Timor leste Nivel nacional.  maibe sira la hare program balu importante liu i urgente tenki halo ka implementa duke miss Timor leste. kondisaun Dili hanesan kapital timor leste sei sabraut, area rurais kondisaun  ita tristi liu. povu sei hakilar hamlaha,estrada at, be, saude,...edukasaun, tansa mak nasaun Singapor seidauk hakarak simu Timor Leste tama ba membru ASEAN ?  sira nia observasaun mai Timor Leste dehan Timor Leste falta rekursu humano, ekonomia  fraku, lei merkadoria, seluktan.........ba Timor oan: primeiro  dezenvolve kultura Timor Leste  diak liu, selae ita haluha no halakon ita nia kultura rasik.....uza fali kultura nasaun seluk nia saifali  kultura ita,......UKUN AN HODI HATUDU ITA IDENTITAS BA NASAUN SELUK, LAOS PROMOVE IDENTITAS NASAUN SELUK FALI..............


Comentar post

post foun

Pasatempu "TT Toke Stars"

Passatempo "TT Toke Stars...

Reuniaun komunidade portu...

Regulamento do Passatempo...

Regulamentu hosi Pasatemp...

Ami Muda Ona Fatin

II Semináriu kona-ba Dire...

II Seminário sobre Direit...

Lusoafinidades - Concerto...

Luke Alkatiri felicita o ...

arquivos

Junho 2015

Fevereiro 2015

Janeiro 2015

Outubro 2014

Setembro 2014

Agosto 2014

Julho 2014

Junho 2014

Maio 2014

Abril 2014

Março 2014

Fevereiro 2014

Janeiro 2014

Dezembro 2013

Novembro 2013

Outubro 2013

Setembro 2013

Agosto 2013

Julho 2013

Junho 2013

Maio 2013

Abril 2013

Março 2013

Fevereiro 2013

Janeiro 2013

Dezembro 2012

Novembro 2012

Outubro 2012

Setembro 2012

Agosto 2012

Julho 2012

Junho 2012

Maio 2012

Abril 2012

Março 2012

Fevereiro 2012

Janeiro 2012

Dezembro 2011

Novembro 2011

Outubro 2011

Setembro 2011

Agosto 2011

Julho 2011

Junho 2011

Maio 2011

Abril 2011

Março 2011

Fevereiro 2011

Janeiro 2011

Outubro 2010

Setembro 2010

tags

todas as tags

blogs SAPO
subscrever feeds