Eventu ida ho apoiu husi Presidente Ramos-Horta no Sra. Kirsty Sword-Gusmão no organizasaun selseluk tan sei halo konsertu ida íha sabadu 17 Setembru ne´é mai.

Membru B2M (ka Bathurst to Melville):

 (foto:JUSTIN SANSON/NT News)

Thomas Simon (Yellow)
Darren Narul
Daniel Cunningham
Fabian Kantilla
Jimmy Kris
Gregory Orsto

 B2M ho membru naín australianu indijenu hananu kona-ba problema be joven australianu indijenu sira  hasoru hanesan droga, alkohol no mos oho-aan.

Sira toka ho irama  R‘n’B pop kahur ho inspirasaun tradisonal. Sira-nia múzika konta kona-ba experiensia bo´ot íha komunidade abirsna nia leet no sai sasin ba efeitu husi droga no tua ba sira-nia povu rasik.

B2M nia objetivu mak tenta atu liu husi múzika sira bele eduka ka hanorin ema kona-ba efeitu buat aat sira ne´é hodi ema bele hadian sira-nia moris ba sai diak liu tan.

Konsertu ne´é konta mos ho ita-nia kantor koñesidu, Ego Lemos. Ego Lemos laos deit kanta maibe nia mos ativu íha vida hanesan permakultor no servisu na´in ba dezenvolvimentu, no ita hotu hotu hatene katak nia sai inspirasaun liu husi ninia entuziasmu ba meiu ambiente Timor-Leste nian.